Sinopse:

"Un avó especial" é un espectáculo destinado a público familiar no que se aborda o tema da enfermidade do Alzheimer co obxectivo de axudarlles ós rapaces a comprender situacións que moitos deles poden vivir no seu contorno familiar.

Malia a seriedade do tema que trata ten un enfoque humorístico que persegue fomentar actitudes optimistas para afrontar os problemas da enfermidade e amosar a importancia que teñen os/as nenos/as para que os maiores vivan momentos felices.

Á parte da enfermidade, tamén se trata o tema da relación entre os/as nenos/as e os/as vellos/as en xeral así como diferentes modos de educar os rapaces por parte dos membros da familia.

Así mesmo, os avós preséntanse como transmisores da sabedoría tradicional e peculiar de cada pobo fronte á uniformidade cultural imposta pola publicidade e a sociedade de consumo.

Ditos tradicionais, lerias e enredos son un elemento máis da obra.

FICHA ARTÍSTICA

Guión e dirección: MARÍA CAMPOS e CARLOS YUS.

Elenco:
Avó: Carlos Yus
Rosiña e avoa: María Campos
Escenografía: Migallas
Maquillaxe: Begoña e Ánxela Paz
Atrezo: Alba Tamara
Deseño de iluminación: Migallas
Técnicas de luz e son: Ana Outón e Isabel Esperón
Vestiario: Celsa Cabaleiro
Fotografías: Mary Print

FICHA TÉCNICA

Duración: 1 hora.
Tempo de montaxe: 2 horas e 30 minutos.
Tempo de desmontaxe: 1 hora
Medidas do escenario: Ancho : 6 m.
Altura ata o teito : 3,5 m.
Fondo : 4 m.
Potencia eléctrica : 10.000 W.

Entrada   Historia de la Compañía   Espectáculos   Agenda   Novedades   Actuaciones realizadas
  Cursos y talleres  Discografía   Prensa   migallas@migallas.com