Conta cunha pequena capela adicada a Santa Lucía, situada centricamente entre os lugares que conforman a parroquia. Como fillos ilustres nados na aldea están os irmáns Manuel e Francisco Figueroa, que construiron a principios de século a igrexa de San Pedro de Muro, Gregorio Lis, mestre de arquitectura autor do templo de Santiago de Arcos e o mestre de cantería Pedro Simal. Foron moitos os artesáns do lugar, sobre todo os canteiros, aínda que eran comúns as tecedeiras e os cesteiros, algúns deles ainda viven  pero xa non exercen.

Deán e outra aldea que está  situada na estrada local que vai a Castro e Quireza. Dende os primeiros anos do presente século existíu no lugar a federación de agricultores do mesmo nome, así como a do traballo de Figueroa. No lugar de Deán hai un peto de ánimas adicado a Virxe do Rosario e a San Antón.

Actualmente viven alí  71 habitantes adicados na súa maior parte á agricultura e á gandeiría. Contan as xentes do lugar que antigamente rondaban por estas terras moitos lobos, e por esto organizábanse moitas batidas. Facendo un foso no monte, a xente rodeaba ós animais ata que caían nel. En Vilar tamén hai outro Peto de Ánimas, este adicado á Virxe de Fátima.